"Ньюкасл" ҳужумчиси Жейкоб Мёрфи Европа Чемпионлар лигаси плей-офф босқичи доирасида "Қорабоғ"га қарши кечадиган иккинчи ўйин олдидан ўз фикрларини билдириб ўтди. Учрашув 24 февраль, сешанба куни бўлиб ўтади. Биринчи ўйин инглиз жамоасининг 6:1 ҳисобидаги ғалабаси билан якунланди.
"Уйга қайтиш ёқимли. Кетма-кет тўртта жуда оғир сафар ўйинини ўтказдик. Яна мухлисларимиз қаршисида бўлиш ва ўз стадионингизда ўйнаш жуда ёқимли. Ўйин осон бўлмаслигини тушунамиз, ҳали кўп иш қилишимиз керак, аммо қайтганимиздан хурсандмиз", - дея ҳужумчининг сўзларини келтиради УEФА расмий сайти.
