«Барселона» клуби ўзининг бош мураббийини табриклади. Сешанба куни Ханс-Дитер Флик 61 ёшини нишонламоқда.
«Туғилган кунингиз билан! Барча эзгу тилаклар сизга, Ханси!» — дейилади Каталония клубининг ижтимоий тармоқлардаги расмий саҳифаларида қолдирилган хабарда.
Маълумки, Ханс-Дитер Флик 2024 йилнинг ёзида «Барселона» жиловини ўз қўлига олган эди. Немис мутахассиси қўл остидаги илк мавсумдаёқ каталонияликлар ички аренадаги барча учта совринни қўлга киритишди, Чемпионлар лигасида эса ярим финалгача етиб боришди. 2025/2026 йилги мавсумда «кўк-анорранглилар» аллақачон Испания Суперкубогида ғолиб чиқишга улгуришди.
«Барселона» ўзининг навбатдаги учрашувини 28 февраль куни ўз майдонида «Вильярреал»га қарши ўтказади.
