«Ювентус» Уэстон Маккенни билан шартномани узайтиришга жуда яқин турибди. Сўнгги кунлардаги музокаралар натижасида томонлар деярли барча муҳим деталлар бўйича келишувга эришишди.
Амалдаги шартномаси шу йилнинг июнь ойида якунига етадиган 27 ёшли америкалик ярим ҳимоячи Лучано Спаллетти томонидан қайта қурилаётган марказий чизиқнинг асосий фигурасига айланди. Расмий эълон тез орада кутилмоқда ва бу футболчининг келажаги борасидаги турли миш-мишларга чек қўяди.
2021 йилда «Шальке»дан келиб қўшилган Маккенни «Бьянконери» сафида ўзининг тиришқоқлиги ва етакчилик қобилияти билан ажралиб турди. Жорий мавсумда у А Сериянинг 25 ўйинида майдонга тушиб, 4 та гол ва 5 та голли узатмага муаллифлик қилди.
