Мадриднинг «Реал», «Манчестер Сити» ва «Ливерпуль» клублари «Ювентус» ҳимоячиси Андреа Камбьязони диққат билан кузатиб боришмоқда. Турин клуби шу йилнинг январь ойида футболчининг трансфери бўйича берилган 50 миллион евро миқдоридаги таклифни рад этган эди. Бу ҳақда «Caught Offside» нашри хабар бермоқда.

Манбанинг маълумотига кўра, Италия гранди 26 ёшли ўйинчини сотишга интилмаяпти, бироқ 60–70 миллион евро атрофида таклиф тушса, бу имкониятни кўриб чиқиши мумкин.

Жорий мавсумда Камбьясо барча турнирларда 35 та ўйинда майдонга тушиб, ўз ҳисобига иккита гол ва тўртта голли узатмани ёздириб қўйди. Футболчининг клуб билан амалдаги меҳнат шартномаси 2029 йилнинг ёзига қадар мўлжалланган. «Transfermarkt» порталида тақдим этилган маълумотларга кўра, футболчининг бозор қиймати 30 миллион еврони ташкил этади.