Сўнгги йилларда бир неча бор «Ювентус»га ўтиши ҳақида хабарлар тарқалган «Галатасарой» ҳужумчиси Виктор Осимхен Турин клубида тўп тепиш у учун шараф бўлишини таъкидлади. Жамоалар 25 февраль куни Чемпионлар лигасининг жавоб ўтиш (плей-офф) ўйинида тўқнаш келишади.

«Ювентус» – бой тарихга эга бўлган энг буюк клублардан бири, у ерда кўплаб афсоналар ўйнаган. Ушбу клуб шарафини ҳимоя қилиш мен учун фахр бўларди. Ҳозирда «Галатасарой»да бахтлиман, лекин келажакда нима бўлишини ҳеч қачон била олмайсан. Дунёдаги футболчиларнинг 90 фоизи «Ювентус»да ўйнашни истаган бўларди», — дея Осимхеннинг сўзларидан иқтибос келтирмоқда «Corriere dello Sport» нашри.

Эслатиб ўтамиз, ўтган ёзда «Галатасарой» форвардни «Наполи»дан 75 миллион евро эвазига сотиб олган эди.