Италия терма жамоасининг собиқ дарвозабони Жанлуижи Буффон «Интер» ҳужумчиси Франческо Пио Эспозито ҳақида ўз фикрлари билан ўртоқлашди.

«У сизнинг барча кутганларингиздан ҳам аълороқ натижа кўрсатади. Агар мен «Интер»да бўлганимда, таваккал қилиб, бор эътиборимни унга қаратган бўлардим. Бу йигит — алоҳида иқтидор, у ақл бовар қилмас даражада камтар профессионал», — дея Буффоннинг сўзларини келтиради «Nerazzurri Society».

Эспозито — «Интер» тарбияланувчиси ҳисобланади. Жорий мавсумда 20 ёшли ҳужумчи барча турнирларни ҳисобга олганда 35 та учрашувда майдонга тушиб, рақиблар дарвозасини етти бор ишғол қилди ва олтита голли узатма муаллифига айланди.

Эспозитонинг «Интер» билан амалдаги меҳнат шартномаси 2030 йилнинг ўрталарига қадар мўлжалланган.