Italiya terma jamoasining sobiq darvozaboni Janluiji Buffon «Inter» hujumchisi Franchesko Pio Espozito haqida o‘z fikrlari bilan o‘rtoqlashdi.
«U sizning barcha kutganlaringizdan ham a’loroq natija ko‘rsatadi. Agar men «Inter»da bo‘lganimda, tavakkal qilib, bor e’tiborimni unga qaratgan bo‘lardim. Bu yigit — alohida iqtidor, u aql bovar qilmas darajada kamtar professional», — deya Buffonning so‘zlarini keltiradi «Nerazzurri Society».
Espozito — «Inter» tarbiyalanuvchisi hisoblanadi. Joriy mavsumda 20 yoshli hujumchi barcha turnirlarni hisobga olganda 35 ta uchrashuvda maydonga tushib, raqiblar darvozasini yetti bor ishg‘ol qildi va oltita golli uzatma muallifiga aylandi.
Espozitoning «Inter» bilan amaldagi mehnat shartnomasi 2030 yilning o‘rtalariga qadar mo‘ljallangan.
