«Арсенал» ярим ҳимоячи Деклан Райс билан шартнома муддатини узайтиришга тайёргарлик кўрмоқда.

«Topskills Sports UK» маълумотларига кўра, Лондон клуби яқин орада футболчи билан янги узоқ муддатли келишув имзолаш бўйича музокараларни бошлашни режалаштирган. Бундан мақсад — «Бавария» томонидан ўйинчига бўлаётган қизиқишга чек қўйишдир. «Арсенал» раҳбарияти ўз қарори ҳақида хабардор қилиш учун Райснинг агентлари билан аллақачон боғланган. Агентлар ва футболчининг ўзи «канонирлар»нинг ушбу ниятига ижобий муносабат билдиришди.

Деклан Райс 2023 йилда «Вест Хэм»дан 116 миллион евро эвазига «Арсенал»га ўтган эди. Унинг амалдаги шартномаси 2028 йилнинг 30 июнига қадар мўлжалланган. Жорий мавсумда ярим ҳимоячи Лондон клуби сафида барча турнирларда 38 та ўйинда майдонга тушиб, тўртта гол урди ва 10 та голли узатмани амалга оширди.