Лондоннинг "Тоттенхэм" клубида айни дамда энг кўп маош олувчи футболчи кимлиги маълум бўлди. Инсайдер Метт Хюзнинг ижтимоий тармоқларда маълум қилишича, ушбу футболчи ярим ҳимоячи Конор Галлахер ҳисобланади.
26 ёшли англиялик хавбек қишда "шпорлар" сафига Мадриднинг "Атлетико" клубидан кўчиб ўтган эди. Битим суммаси 40 миллион еврони ташкил этди. Лондон клубида Конор ҳафтасига 200 минг фунт атрофида маош олади. Футболчининг "Тоттенхэм" билан шартномаси 2031 йилнинг июнь ойи охиригача мўлжалланган.
Англия премьер-лигасининг жорий мавсумида 26 ёшли ярим ҳимоячи олтита учрашув ўтказди. Галлахер битта голли узатмани амалга оширди.
