"Бенфика" ва "Реал" клубларининг собиқ яримҳимоячиси Хави Гарсия Винисиус ва Жанлука Престианни ўртасидаги ирқчилик можароси ҳақида гапирди.
"Биз Винисиуснинг шикоятларига қараб, Престианни айтган изоҳлар нимани англатиши мумкинлигини тушунамиз. Бу нозик ва мураккаб нуқта.
"Бенфика"га мухлислик қиламан, лекин агар шунга ўхшаш гаплар айтилган бўлса, айбдорлар ким бўлишидан қатъи назар жазоланиши керак.
Афсуски, шундай бўлди. Ушбу вазият туфайли биз чоршанба куни Европанинг икки гранди ўртасидаги муҳим ўйин ҳақида эмас, бу ҳақда гапиряпмиз. Афсус", деди Гарсия.
