Миланнинг "Интер" клуби раҳбари Жузеппе Маротта Мадриднинг «Атлетико» жамоаси бош мураббийи Диего Симеоне билан келишувга эришилгани ҳақидаги миш-мишларга муносабат билдирди.
«Испаниядан келаётган Симеоне билан келишувимиз ҳақидаги хабарлар — мутлақо фейк. Бу воқеа ҳақиқатга заррача ҳам мос келмайди. Биз ҳозирги мураббийимиз Кристиан Кивудан жуда мамнунмиз», — дея журналист Фабрицио Романо «Интер» президентининг сўзларини келтирмоқда.
Эслатиб ўтамиз, Диего Симеоненинг «Атлетико» билан амалдаги шартномаси 2027 йилнинг ўрталарига қадар мўлжалланган.
