«Манчестер Сити»нинг «Вест Хэм»га қарши бўлажак сафар ўйини Чемпионлар лигасидаги иштирок туфайли ноаниқ бўлиб турибди. Учрашув 14 март кунига белгиланган, бироқ «Сити»нинг Еврокубокдаги баҳси 11 мартга тўғри келса, ўйин вақти ўзгартирилади.
Премьер-лиганинг тушунтиришича, бу муаммо 27 февралдаги УEФА қуръасидан сўнг ойдинлашади.
Расмий баёнотда таъкидланишича, УEФА тақвим бўйича ҳеч қандай кафолат бермаган. Бу эса мухлислар ва клублар учун ноқулайлик туғдириб, ўйин вақтини жуда қисқа муддат ичида қайта белгилаш хавфини юзага келтирмоқда. АПЛ ушбу масалада УEФА билан музокараларни давом эттирмоқда.













