Журналист Саша Таволиерининг хабарига кўра, «Реал Мадрид» «Брюгге»нинг ёш истеъдоди Кириани Саббени кузатмоқда. 21 ёшли ўнг қанот ҳимоячиси жорий мавсумда барча мусобақаларда 33 та ўйинда майдонга тушиб, Бельгия грандининг асосий футболчисига айланди.
«Лос Бланкос» уни дастлаб «Кастилья» учун идеал номзод ва тез орада асосий жамоага кириша оладиган потенциал эгаси деб ҳисобламоқда.
Ҳозирча Мадрид клуби аниқ қадамларни ташлагани йўқ, бироқ «Брентфорд» аллақачон рақобатда устунлик қилишга ва Саббени ўз сафига қўшиб олишга интилмоқда.
