Англиянинг «Челси» клуби 22 ёшли эквадорлик ярим ҳимоячи Патрик Меркадо билан шартнома имзолаш учун аниқ қадамларни ташлади. Бу ҳақда «TEAMtalk» нашри хабар бермоқда.
Футболчи айни дамда Эквадорнинг «Индепендьенте дель Валье» клуби шарафини ҳимоя қилмоқда. Қайд этилишича, Меркадога АПЛнинг яна бир нечта клублари — «Брайтон», «Фулхэм» ва «Борнмут» даъвогарлик қилмоқда, бироқ айнан «аристократлар» шартнома имзолашга энг яқин туришибди.
Меркадо — Эквадор футболининг чиқиб келаётган юлдузи ҳисобланади. Ўтган йили ярим ҳимоячи мамлакат миллий терма жамоасида дебют қилган эди.
