Испаниянинг машҳур Mundo Deportivo нашри "Барселона" президенти сайлови арафасида ўз сўровини ўтказди.

500 нафар респондент иштирок этган тегишли тадқиқот натижаларига кўра, "Барселона"нинг амалдаги президенти Жоан Лапорта 58,66 фоиз қўллаб-қувватлов билан етакчи ҳисобланади. Аввалги сайловларда уни 60 фоиздан ортиқ киши қўллаб-қувватлаган эди. Айни пайтда у асосий рақобатчилари Виктор Фонт (20,33%), Марк Сурия (7,33%) ва Хави Вилахоануни (1,33%) ортда қолдирмоқда.

Шунингдек, ўз номзоди бўйича бир қарорга келмаган сайловчиларнинг катта қисми бор - 12,33 фоиз.

"Барселона" президенти сайлови куни 2026 йил 15 март, якшанба куни бўлиб ўтади.