«Реал» ижтимоий тармоқларда байрамона воқеа муносабати билан янги пост қолдирди. Чоршанба куни жамоанинг ҳужумкор ярим ҳимоячиси Арда Гюлер ўзининг 21 ёшини нишонламоқда.
«Туғилган кунинг билан, Арда Гюлер!» — дейилади «Реал» матбуот хизмати хабарида.
Арда Гюлер 2023 йилнинг ёзида «Реал» таркибига келиб қўшилган эди. Ўшандан бери ярим ҳимоячи жамоа сафида 99 та ўйин ўтказиб, ўз ҳисобига 15 та гол ва 23 та голли узатмани ёздириб қўйди.
Чоршанба оқшомида «Реал» Чемпионлар лигаси доирасида ўз майдонида «Бенфика»ни қабул қилади. Агар Арда бугун майдонга тушса, бу унинг «Қаймоқранглилар» либосидаги 100-юбилей учрашуви бўлади.
