«Real» ijtimoiy tarmoqlarda bayramona voqea munosabati bilan yangi post qoldirdi. Chorshanba kuni jamoaning hujumkor yarim himoyachisi Arda Gyuler o‘zining 21 yoshini nishonlamoqda.
«Tug‘ilgan kuning bilan, Arda Gyuler!» — deyiladi «Real» matbuot xizmati xabarida.
Arda Gyuler 2023 yilning yozida «Real» tarkibiga kelib qo‘shilgan edi. O‘shandan beri yarim himoyachi jamoa safida 99 ta o‘yin o‘tkazib, o‘z hisobiga 15 ta gol va 23 ta golli uzatmani yozdirib qo‘ydi.
Chorshanba oqshomida «Real» Chempionlar ligasi doirasida o‘z maydonida «Benfika»ni qabul qiladi. Agar Arda bugun maydonga tushsa, bu uning «Qaymoqranglilar» libosidagi 100-yubiley uchrashuvi bo‘ladi.
