Ёзги трансферлар вақтида "Реал" марказий ҳимояни кучайтириши кутилмоқда. Transfer News Live нашрининг журналист Грем Бейли маълумотига таяниб хабар беришича, Мадрид суперклуби "Арсенал" юлдузи Габриэль ҳақида маълумот сўраган.

"Реал"га тезда Габриэлни ўз томонига оғдириб олишнинг иложи йўқлигини тушунтиришди. Ўтган йили бразилиялик футболчи "Арсенал" билан шартномасини узайтирган эди. Лондон клубида Габриэль асосий ўйинчилардан бири сифатида кўрилмоқда.

Нуфузли Transfermarkt портали мутахассислари 28 ёшли Габриэлни 75 миллион еврога баҳоламоқда. Бразилиялик футболчининг "Арсенал" билан амалдаги шартномаси 2029 йилнинг ярмигача мўлжалланган.