Игор Тудорнинг "Тоттенхэм" бош мураббийи сифатидаги келажаги сўроқ остида қолмоқда.

Indykaila News хабарига кўра, лондонликлар хорватиялик мутахассис кейинги ўйинларда вазиятни ўнгламаса, уни истеъфога чиқариш вариантини кўриб чиқиши мумкин. "Шпорлар"да унинг ўрнига бошқа номзодлар ҳам бор. "Тоттенхэм" раҳбарияти Англия премьер-лигасидан тушиб кетиш хавфи борлигидан жиддий хавотирда.

Игор Тудор 14 февраль куни "Тоттенхэм"ни қабул қилиб олди ва у билан жорий мавсум якунига қадар шартнома имзолади.

Унинг қўл остида "шпорлар" бир ўйин ўтказди ва ўз майдонида "Арсенал"га 1:4 ҳисобида имкониятни бой берди. Айни вақтда "Тоттенхэм" АПЛ турнир жадвалида 27-турда 29 очко жамғарган ҳолда 16-ўринда бормоқда.