«ПСЖ» ўз майдонида Чемпионлар лигаси плей-офф босқичининг жавоб учрашувида «Монако» билан дуранг ўйнади — 2:2.
Биринчи бўлим якунида монегасклар ярим ҳимоячиси Магнес Аклиуш ҳисобни очди. 60-дақиқада Маркиньоснинг голи эвазига «ПСЖ» мувозанатни тиклади. Бундан бир дақиқа олдин меҳмонлар аъзоси Мамаду Кулибали майдондан четлатилган ва «Монако» бир киши кам бўлиб қолган эди. 66-дақиқада Хвича Кварацхелия парижликларни ҳисобда олдинга олиб чиқди.
Учрашув якунида «Монако» ҳимоячиси Йордан Тезе ҳисобни тенглаштиришга муваффақ бўлди.
Икки ўйин натижасига кўра (илк баҳс — 3:2), «ПСЖ» ғалаба қозонди ва Чемпионлар лигасининг 1/8 финалига йўл олди. Ушбу босқичда Париж клуби «Барселона» ёки «Челси» жамоаларидан бири билан тўқнаш келади.
Европа Чемпионлар лигаси. Ўтиш учрашуви. Жавоб ўйини
26.02.2026 | 01:00
«Парк де Пренс», Париж
«ПСЖ» (Франция) — «МОНАКО» (Франция) — 2:2
(Биринчи ўйин — 3:2)
Голлар: Аклиуш 45 (0:1), Маркиньос 60 (1:1), Кварацхелия 66 (2:1), Тезе 90+1 (2:2).
«ПСЖ»: Сафонов, Маркиньос, Пачо, Нуну Мендеш (Эрнандез, 80), Хакими, Витинья, Жоау Невеш, Заир-Эмери (Фернандес, 87), Барколя (Ли Кан Ин, 69), Кварацхелия, Дуэ (Рамуш, 88).
«Монако»: Кен, Закария (Мависса, 74), Фас, Керер, Камара, Бамба (Тезе, 62), Кайю Энрике, Вандерсон (Нибомбе, 90+4), Кулибали, Аклиуш (Биерет, 74), Балогун (Адингра, 74).
Огоҳлантиришлар: Закария (24), Вандерсон (48), Кулибали (55).
Четлатиш: Кулибали (58, иккинчи сариқ).
