"Ювентус" директори Жоржо Кьеллини жамоа Чемпионлар лигасидан чиқиб кетганидан кейин Лучано Спаллеттининг келажаги ҳақида гапирди. "Ювентус" икки ўйин натижасига кўра "Галатасарой"га мағлуб бўлди ва турнирдаги иштирокини якунлади.

"Лучано Спаллетти билан янги шартнома имзолаш ҳеч қачон шубҳа остига олинмаган. Бу бизнинг устувор вазифаларимиздан биридир. Тез орада келишув тафсилотларини муҳокама қилиш учун учрашамиз", — дея Кьеллинининг сўзларини келтиради журналист Фабрицио Романо ўзининг X ижтимоий тармоғидаги саҳифасида.

Турнирнинг бу йилги мавсуми финали Будапештдаги "Пушкаш Арена" стадионида бўлиб ўтади. Мусобақанинг ҳал қилувчи ўйини 2026 йил 30 май куни бўлиб ўтиши режалаштирилган.

Спаллетти 2025 йилдан бери "Ювентус"ни бошқариб келмоқда. Мураббийнинг клуб билан тузган шартномаси 2026 йилгача мўлжалланган.