Ярим ҳимоячи Бернарду Силва, катта эҳтимол билан, жорий мавсум якунидан сўнг "Манчестер Сити"ни тарк этади.
"Topskills Sports UK" нашри берган маълумотларга кўра, "шаҳарликлар" португалиялик футболчи билан шартномани узайтирмайдилар, шу сабабли ёзда у эркин агентга айланади. 31 ёшли футболчи билан шартнома имзолашга "Бенфика" қизиқиш билдирмоқда. "Бургутлар" хавбекнинг вакиллари билан унинг қайтиши борасида музокараларни бошлаб юборишган. Шунингдек, Бернарду Силва атрофидаги вазиятни "Барселона", "ПСЖ", "Ювентус" ва "Галатасарой" клублари ҳам кузатиб бормоқда.
Бернарду Силва 2017 йилда "Монако"дан "Манчестер Сити"га 50 миллион евро эвазига ўтган эди. Жорий мавсумда у "шаҳарликлар" сафида барча турнирларда 36 та ўйинда майдонга тушиб, иккита гол урди ва бешта голли узатмани амалга оширди. Бернарду Силва "Бенфика" клуби тарбияланувчиси ҳисобланади.
