Аргентиналик собиқ ҳакам Хавьер Кастрилли бразилиялик ҳужумчи Винисиус Жуниор иштирокидаги навбатдаги можаро юзасидан ўз фикрини билдирди. У футболчини «серияли провокатор» деб атади.
«УЕФА бирор-бир далилсиз Престианнини жазоламоқчими? Қачондан бери бундай қилиш мумкин бўлиб қолди? Бу Европа деградациясининг навбатдаги белгисидир», — дея Кастриллининг сўзларидан иқтибос келтирмоқда «derbyderbyderby.it» нашри.
Шунингдек, Кастрилли ибораларни танлаб ўтирмай, Винисиусни «серияли провокатор» деб атади. Эслатиб ўтамиз, бразилиялик футболчи 2019 йилдан бери ўз клубида тўп суриб келмоқда ва доимий равишда ирқчилик билан боғлиқ можароли вазиятларга тушиб қолмоқда.
