Ўтган дам олиш кунлари Каталониянинг «Барселона» жамоаси Испания чемпионати аутсайдери «Леванте»ни 3:0 ҳисобида мағлуб этди. Ярим ҳимоячи Фермин Лопес эса навбатдаги голини уриб, жорий мавсумдаги голлари сонини ўн биттага етказиб олди.
Бу унинг «Барса» сафидаги шахсий сермаҳсуллик рекордининг такроланиши бўлди — у 2023/2024 йилги мавсумда ҳам ўн битта гол урган эди. Аммо бу йил Лопесда ушбу кўрсаткични янада юқорилатиш учун ҳали олдинда кўплаб ўйинлар бор.
«Барселона»га келадиган бўлсак, ўтган дам олиш кунларидаги ғалаба Испаниянинг амалдаги чемпионига жорий чемпионатда ҳам пешқадамликни қайтариб олиш имконини берди.
