Истанбулнинг "Галатасарой" жамоаси устози Окан Бурук УЕФА Чемпионлар лигаси плей-офф босқичи жавоб ўйинида Туриннинг "Ювентус" клубидан қабул қилинган сафардаги мағлубият ҳақида фикр билдирди.
"Рақибимиз жуда кучли жамоа эди. Кейинги босқичга чиққанимиздан хурсандмиз. Майдон эгалари бир киши кам бўлиб қолганидан кейин ҳам бизга осон бўлмади. "Галатасарой" бундан ҳам яхшироқ ўйнай олади. Лекин энг муҳими — жамоа кейинги босқич йўлланмасини қўлга киритгани", — дея мутахассиснинг сўзларини келтиради УЕФА матбуот хизмати.
Икки ўйин натижасига кўра "Галатасарой" "кекса синьора"ни умумий 7:5 ҳисобида мағлуб этди. Истанбул клубининг навбатдаги рақиби қуръа ташлаш маросимида маълум бўлади.
