Istanbulning "Galatasaroy" jamoasi ustozi Okan Buruk UYEFA Chempionlar ligasi pley-off bosqichi javob o‘yinida Turinning "Yuventus" klubidan qabul qilingan safardagi mag‘lubiyat haqida fikr bildirdi.
"Raqibimiz juda kuchli jamoa edi. Keyingi bosqichga chiqqanimizdan xursandmiz. Maydon egalari bir kishi kam bo‘lib qolganidan keyin ham bizga oson bo‘lmadi. "Galatasaroy" bundan ham yaxshiroq o‘ynay oladi. Lekin eng muhimi — jamoa keyingi bosqich yo‘llanmasini qo‘lga kiritgani", — deya mutaxassisning so‘zlarini keltiradi UEFA matbuot xizmati.
Ikki o‘yin natijasiga ko‘ra "Galatasaroy" "keksa sinyora"ni umumiy 7:5 hisobida mag‘lub etdi. Istanbul klubining navbatdagi raqibi qur’a tashlash marosimida ma’lum bo‘ladi.
