Инсайдер Николо Скиранинг маълумотларига кўра, канадалик футболчи ёзда Турин клубидан кетиш вариантини кўриб чиқмоқда. "Ювентус" раҳбарияти ва жамоа бош мураббийи Лучано Спаллетти ҳужумчининг ўйинидан норози, шу сабабли футболчининг эҳтимолий сотувига тайёрлар.

Жонатан Дэвид 2025 йилда "Лилль"дан "Ювентус"га эркин агент сифатида ўтган эди. Унинг шартномаси 2030 йил 30 июнгача мўлжалланган.

Жорий мавсумда канадалик ҳужумчи Турин клуби сафида барча турнирларда 36 та ўйин ўтказиб, 7 та гол урди ва 5 та голли узатмани амалга оширди. Transfermarkt портали Дэвиднинг қийматини 35 миллион еврога баҳоламоқда.