«Челси» ҳужумчиси Марк Гиу клубга илтимос билан мурожаат қилди. Футболчи майдонда кам вақт ўтказаётгани сабабли ёзги трансфер ойнаси вақтида жамоадан кетишга рухсат беришларини сўраган.
Ўтган йилнинг август ойида Гиу ижара асосида «Челси»дан «Сандерленд»га ўтган эди. Бироқ орадан атиги 26 кун ўтиб, «пенсионерлар» Лиам Делапнинг жароҳати туфайли футболчини ортга қайтаришган.
Жорий мавсумда Марк Гиу Англия Премьер-лигасининг тўққизта ўйинида иштирок этди, аммо фақат бир марта асосий таркибда майдонга тушди. Ушбу тўққиз ўйинда Гиу ўз ҳисобига битта голли узатмани ёздириб қўйди.
Нуфузли «Transfermarkt» портали мутахассислари 20 ёшли Марк Гиуни 12 миллион еврога баҳоламоқдалар.
