«Chelsi» hujumchisi Mark Giu klubga iltimos bilan murojaat qildi. Futbolchi maydonda kam vaqt o‘tkazayotgani sababli yozgi transfer oynasi vaqtida jamoadan ketishga ruxsat berishlarini so‘ragan.
O‘tgan yilning avgust oyida Giu ijara asosida «Chelsi»dan «Sanderlend»ga o‘tgan edi. Biroq oradan atigi 26 kun o‘tib, «pensionerlar» Liam Delapning jarohati tufayli futbolchini ortga qaytarishgan.
Joriy mavsumda Mark Giu Angliya Premyer-ligasining to‘qqizta o‘yinida ishtirok etdi, ammo faqat bir marta asosiy tarkibda maydonga tushdi. Ushbu to‘qqiz o‘yinda Giu o‘z hisobiga bitta golli uzatmani yozdirib qo‘ydi.
Nufuzli «Transfermarkt» portali mutaxassislari 20 yoshli Mark Giuni 12 million yevroga baholamoqdalar.
