Мартин Демикелис мураббийлик фаолиятини тиклашга яқин турибди. «Cadena SER» хабарига кўра, 45 ёшли аргентиналик мутахассис «Мальорка»нинг навбатдаги бош мураббийи бўлади.

Маълумки, бир неча кун олдин «Мальорка» мураббийсиз қолган эди. Хагоба Аррасете сафарда «Сельта»дан қабул қилинган 0:2 ҳисобидаги мағлубиятдан сўнг ўз лавозимини тарк этди.

Мартин Демикелис май ойида «Монтеррей» клуби бош мураббийлигидан кетганидан бери ишсиз юрибди.

«Мальорка» айни дамда Испания чемпионати турнир жадвалида 18-ўринни эгаллаб, хавфли ҳудудда бормоқда. Жамоа навбатдаги ўйинини 28 февраль куни ўз майдонида «Реал Сосьедад»га қарши ўтказади.