"Галатасарой" ҳужумчиси Виктор Осимхен Алессандро Дель Пьеро билан тушган суратини ижтимоий тармоққа жойлади.
Нигериялик футболчи "Ювентус"нинг собиқ сардори билан жамоаларнинг Чемпионлар лигасидаги ўйинидан сўнг учрашди. "Галатасарой" икки ўйин натижасига кўра (5:2, 2:3) Турин клубини мусобақадан чиқариб юборди.

Ўйиндан сўнг Виктор ўз сторисида италиялик афсона билан тушган суратини жойлаштирди ва шундай деб ёзди: "Барча даврларнинг энг буюк ўйинчиларидан бири — Дель Пьеро билан учрашиш бахтига муяссар бўлдим".













