«Daily Mail» нашрининг хабарига кўра, агар Жо Гомес шу ёзда жамоани тарк этиш истагини билдирса, «Ливерпуль» раҳбарияти бунга қаршилик қилмайди. «Энфилд»да энг узоқ вақтдан бери тўп сураётган ушбу футболчи жорий мавсумда асосий таркибдаги ўрнини йўқотди ва бор-йўғи 9 та ўйинда илк дақиқалардан майдонга тушди.

Ўтган йили клуб ҳимоячилар етишмовчилиги сабабли Гомесни олиб қолган эди. Бироқ келаси мавсумда таркибга Жереми Жаке ва жароҳатидан тузаладиган Жованни Леонининг қўшилиши вазиятни ўзгартиради.

Ибраима Конате билан шартномани узайтириш бўйича музокаралар давом этаётган бир пайтда, «қизиллар» Гомеснинг трансферига рухсат беришга тайёр кўринмоқда.