УЕФА Европа клубларининг молиявий ҳолати бўйича йиллик ҳисоботини эълон қилди.
Европа футбол ассоциациялари иттифоқи (УЕФА) маълумотларига кўра, Англия Премьер-лигаси (АПЛ) жамоалари 2024 йилда 7 миллиард 447 миллион евро даромад кўрган — бу барча лигалар ичида энг юқори кўрсаткичдир. Ушбу маблағ 2023 йилга нисбатан 4 фоизга ошган.
Бошқа етакчи лигаларнинг даромадлари қуйидагича кўриниш олди:
-
Бундеслига (Германия): 3,90 млрд евро;
-
Ла Лига (Испания): 3,88 млрд евро;
-
А Серия (Италия): 2,92 млрд евро;
-
Лига 1 (Франция): 2,58 млрд евро;
-
РПЛ (Россия): 1,03 млрд евро.
Йил давомида даромадларнинг энг юқори ўсиши Туркияда қайд этилди — 64 фоиз (877 миллион еврогача).
Умумий ҳисобда, Европа юқори лигаларидаги барча жамоалар 28,6 миллиард евро даромад олишган. Прогнозларга кўра, 2025 йилда бу кўрсаткич 30 миллиардлик довондан ошади. Маълумот учун, Европа футболида 20 миллиардлик марра 2017 йилда, 10 миллиардлик чегара эса 2007 йилда забт этилган эди.
