UYEFA Yevropa klublarining moliyaviy holati bo‘yicha yillik hisobotini e’lon qildi.
Yevropa futbol assosiasiyalari ittifoqi (UYEFA) ma’lumotlariga ko‘ra, Angliya Premyer-ligasi (APL) jamoalari 2024 yilda 7 milliard 447 million yevro daromad ko‘rgan — bu barcha ligalar ichida eng yuqori ko‘rsatkichdir. Ushbu mablag‘ 2023 yilga nisbatan 4 foizga oshgan.
Boshqa yetakchi ligalarning daromadlari quyidagicha ko‘rinish oldi:
-
Bundesliga (Germaniya): 3,90 mlrd yevro;
-
La Liga (Ispaniya): 3,88 mlrd yevro;
-
A Seriya (Italiya): 2,92 mlrd yevro;
-
Liga 1 (Fransiya): 2,58 mlrd yevro;
-
RPL (Rossiya): 1,03 mlrd yevro.
Yil davomida daromadlarning eng yuqori o‘sishi Turkiyada qayd etildi — 64 foiz (877 million yevrogacha).
Umumiy hisobda, Yevropa yuqori ligalaridagi barcha jamoalar 28,6 milliard yevro daromad olishgan. Prognozlarga ko‘ra, 2025 yilda bu ko‘rsatkich 30 milliardlik dovondan oshadi. Ma’lumot uchun, Yevropa futbolida 20 milliardlik marra 2017 yilda, 10 milliardlik chegara esa 2007 yilda zabt etilgan edi.
