Ҳимоячи Бенжамен Павар ёзги трансфер ойнасида яна клубини ўзгартириши мумкин.
«Интер»дан мавсум якунига қадар француз футболчисини ижарага олган «Марсель» уни 15 миллион евро эвазига сотиб олиш ҳуқуқидан фойдаланишни режалаштирмаяпти. Журналист Николо Скиранинг маълумотига кўра, яқинда 29 ёшли футболчи бўйича Дортмунднинг «Боруссия» клуби сўров юборган, шунингдек, номи ошкор этилмаган Саудия клуби ҳам унга қизиқиш билдирмоқда. «Нерадзурри» раҳбарияти футболчини мавсумлараро танаффус вақтида сотиб юборишга умид қилмоқда.
Transfermarkt порталида Бенжамен Паварнинг нархи 20 миллион евро деб баҳоланган, унинг «Интер» билан амалдаги шартномаси 2028 йилнинг ёзига қадар мўлжалланган.
