«Барселона» спорт директори Деку бўлажак президентлик сайловлари олдидан Жоан Лапорта номзодини қўллаб-қувватлашини маълум қилди.

«Мен Лапорта лойиҳасида иштирок этяпман, чунки унга ишонаман. Агар ҳаммаси муваффақиятли кечса, мен қоламан ва ишимни давом эттираман. Бироқ энг муҳими мен эмас, балки футболчилар ва клубдир. Лапорта мен шу ерда тўп сурган шонли даврларда ҳам „Барса“ президенти бўлган. Мен клубимиз учун энг яхшиси деб ҳисоблаган номзодни қўллаб-қувватлайман», — дея Декунинг интервьюсидан иқтибос келтирмоқда Barca Universal.

«Барселона» раҳбарлиги учун сайловлар 15 март куни бўлиб ўтади. Жоан Лапорта 2021 йил баҳоридан бери ушбу лавозимни эгаллаб келмоқда, Деку эса ўша йилнинг кузида клубда иш бошлаган эди.