Нуфузли инсайдер Фабрицио Романо «Ньюкасл» ярим ҳимоячиси Сандро Тоналининг келажаги борасидаги янги тафсилотларни очиқлади.

Журналистнинг таъкидлашича, футболчи катта эҳтимол билан ёзда жамоасини ўзгартиради. Романо ярим ҳимоячининг «Арсенал»га трансфер қилиниш шартларини ҳам санаб ўтди.

«Сандро Тоналининг ёзда клубни тарк этиш эҳтимоли жуда юқори. «Арсенал» учун уни қишки трансфер ойнасида сотиб олишнинг иложи йўқ эди. Ёзда вазият ўзгариши мумкин, аммо гап фақат «Арсенал» ҳақида кетмаяпти. Жиддий рақобат кутилмоқда ва кўп нарса нархга боғлиқ бўлади — бу трансфер асло осон кечмайди», — деди Романо ўзининг YouTube-каналида.

Жорий мавсумда Сандро Тонали «Ньюкасл» сафида 42 та ўйинда майдонга тушди. Ушбу баҳсларда хавбек учта гол урди ва бешта голли узатмани амалга оширди.