Италиянинг «Милан» клуби сўнгги вақтларда бир қатор омадсизликларга дуч келди. Айниқса, ўз майдонида «Парма»дан қабул қилинган мағлубият (0:1) жуда аламли бўлди, чунки бу натижа «россонерилар»нинг А Сериядаги ҳайратланарли 24 ўйинлик мағлубиятсиз сериясига нуқта қўйди.
Ҳозирда жамоанинг асосий юлдузларидан бири, хорватиялик афсонавий ярим ҳимоячи Лука Модрич шерикларини жипслашишга ва қолган 12 та учрашувда бор кучларини ишга солишга чақирди.
«Албатта, бу биз истаган натижа эмас эди, лекин энди олдимизда 12 та финал турибди», — деб ёзди 40 ёшли футболчи ўз ижтимоий тармоқларида.
Эслатиб ўтамиз, Лука Модрич 2025 йилнинг ёзида «Реал Мадрид» билан хайрлашиб, эркин агент сифатида «Милан» сафига келиб қўшилган эди. Италия чемпионатининг навбатдаги турида «Милан» жамоаси «Кремонезе»га қарши баҳс олиб боради.
