"Ньюкасл" ярим ҳимоячиси Сандро Тонали жорий мавсум якунланганидан кейин клубини ўзгартириши мумкин.

25 ёшли футболчи Италияга қайтишни истамоқда, бироқ унга асосий даъвогарлар сифатида ҳамон Премьер-лига вакиллари кўрилмоқда. Журналист Бен Жейкобснинг маълумотига кўра, агар хавбек "Ньюкасл"ни тарк этишга узил-кесил қарор қилса, Лондоннинг "Арсенал" клуби келаётган ёзда уни сотиб олиш имкониятини жиддий кўриб чиқади. Шунингдек, "Манчестер Юнайтед" ҳам италиялик футболчи номзодини ўрганмоқда.

Transfermarkt порталида Сандро Тоналининг тахминий нархи 75 миллион евро этиб белгиланган. Англияга кўчиб ўтишдан олдин футболчи ўз ватанида "Милан" шарафини ҳимоя қилган.