Массимилиано Аллегри бошчилигидаги "Милан" клуби Лука Модрични шартномани узайтиришга кўндириш учун фаол ҳаракат бошлади. 40 ёшли хорватиялик плеймейкер А Серияда энг яхши футболчилардан бири бўлиб қолмоқда.
"Бу ерда ҳамма уни "Маэстро" деб атайди. Унинг тўп билан муомаласини Марадонага қиёслашмоқда", — дейилади хабарда.
Модрич жорий мавсумда 2000 дақиқадан ортиқ майдонда ҳаракат қилди. Мураббийлар штаби, футболчилар ва мухлислар "Олтин тўп" соҳибининг жамоада қолишини исташмоқда. Хабарларга кўра, унинг "Милан"да қолиш имконияти анча юқори.
