"Ливерпуль" бош мураббийи Арне Слот матбуот анжуманида ҳужумчи Уго Экитикенинг бош билан ўйнаш қобилияти ҳақида тўхталиб ўтди.
"Кўп йиллар олдин мен ўйнаган вақтларда, тўп арқонга осиб қўйиларди ва биз техника устида ишлаб, бош билан зарба беришни машқ қилардик. Бу алоҳида машқ бўлиб, ҳозирги кунда ундан деярли фойдаланилмайди. Биз Уго билан бош билан зарба бериш устида ишлашга ҳаракат қиляпмиз. Ҳар куни эмас, лекин бу унинг ўйинининг бир қисмидир. У яна бир нечта кўпроқ гол уриш имкониятига эга бўлиш учун ўзи ҳам ривожланишни истайди. 22-23 ёшда ўйинингизда яхшиланиши керак бўлган жиҳатлар бўлиши табиий ҳол", — деди Слот журналистларга.
Шанба куни, 28 февраль куни "Ливерпуль" Премьер-лига доирасида ўз уйида "Вест Хэм"га қарши майдонга тушади.
