"Liverpul" bosh murabbiyi Arne Slot matbuot anjumanida hujumchi Ugo Ekitikening bosh bilan o‘ynash qobiliyati haqida to‘xtalib o‘tdi.

"Ko‘p yillar oldin men o‘ynagan vaqtlarda, to‘p arqonga osib qo‘yilardi va biz texnika ustida ishlab, bosh bilan zarba berishni mashq qilardik. Bu alohida mashq bo‘lib, hozirgi kunda undan deyarli foydalanilmaydi. Biz Ugo bilan bosh bilan zarba berish ustida ishlashga harakat qilyapmiz. Har kuni emas, lekin bu uning o‘yinining bir qismidir. U yana bir nechta ko‘proq gol urish imkoniyatiga ega bo‘lish uchun o‘zi ham rivojlanishni istaydi. 22-23 yoshda o‘yiningizda yaxshilanishi kerak bo‘lgan jihatlar bo‘lishi tabiiy hol", — dedi Slot jurnalistlarga.

Shanba kuni, 28 fevral kuni "Liverpul" Premyer-liga doirasida o‘z uyida "Vest Xem"ga qarshi maydonga tushadi.