Чемпионлар лигаси 1/8 финалида "Челси"нинг рақиби "ПСЖ" бўлди. Лондон клуби бош мураббийи Лиам Росеньор қуръа натижаларига изоҳ берди.
"Жуда ҳаяжондаман. "ПСЖ" — фантастик жамоа. Менда Францияда уларга қарши ўйнаш тажрибаси бор. Мен уларни доим ҳурмат қилганман. Луис Энрике ақл бовар қилмайдиган ишни амалга оширди. Бу шундай ўйинларки, улар учун футболда яшайсан, улар учун футболга кириб келасан. Бу ажойиб баҳс бўлади. Аммо унгача биз диққатимизни қаратишимиз керак бўлган яна учта ўйинимиз бор", — деди Росеньор матбуот анжуманида.
"ПСЖ" — "Челси" жуфтлиги ғолиби чорак финалда "Галатасарой" ёки "Ливерпуль" жамоаларидан бири билан тўқнаш келади.
