"Барселона"нинг собиқ футболчиси, ҳозирда клуб спорт бўлимида фаолият юритаётган Боян Кркич Чемпионлар лигаси 1/8 финал қуръаси ҳақида ўз фикрларини билдирди. Каталонияликлар ушбу босқичда "Ньюкасл" билан тўқнаш келишади.
"Биз бор эътиборимизни ўзимизга қаратишимиз керак. "Ньюкасл" — кучли жамоа. Биз уларни биламиз ва жорий мавсумда уларга қарши ўйнаб улгурдик. Ушбу баҳсга тўғри ҳолатда етиб келиш муҳим. Аммо ҳозир бизни Ла Лига ва Испания Кубоги доирасидаги ўйинлар кутмоқда. Футболда энг муҳим ўйин — бу навбатдагисидир. Футболчиларимиз жуда қаттиқ меҳнат қилишмоқда. Кайфиятимиз аъло даражада", — деди Кркич УЕФА матбуот хизматига.
"Ньюкасл" 10 март куни "Барселона"ни қабул қилади. Жавоб учрашуви эса 18 март куни "Камп Ноу"да бўлиб ўтади.
