«Барселона» спорт директори лавозимида фаолият юритаётган Деку Чемпионлар лигаси қуръаси натижалари бўйича ўз фикрларини айтди. Эслатиб ўтамиз, 1/8 финалда «кўк-анорранглилар» Англиянинг «Ньюкасл» жамоаси билан баҳслашиши маълум бўлди. Ўйинлар 10 ва 18 март кунларига белгиланган.
«Бу биз учун қийин қуръа бўлди. Рақиб сифатида бошқа икки жамоа тушиши ҳам мумкин эди ва бу ҳам осон бўлмасди. «Ньюкасл» — жуда ноқулай стадионга эга бўлган мураккаб рақиб», — дея Декунинг сўзларини келтиради Diario Sport.
Чемпионлар лигасининг умумий босқичи якунларига кўра, Ханс-Дитер Флик шогирдлари саккизта ўйинда 16 очко жамғариб, бешинчи ўринни эгаллашган эди.
