Оммавий ахборот воситаларининг хабарига кўра, "Ювентус" ярим ҳимоячиси Мануэль Локателли "Барселона"нинг янги нишонига айланди.
Деку бошчилигидаги "кўк-анорранглилар"нинг спорт раҳбарияти ярим ҳимоячини юқори баҳоламоқда ва уни таркибни кучайтириш учун қизиқарли вариант деб ҳисоблайди. Каталонияликлар "жамоага баланс, тажриба ва тактик интизом олиб киришга қодир" ярим ҳимоячи қидиришмоқда. Локателли ушбу моделга тўлиқ мос келади. Туринликлар, агар яхши таклиф тушса, футболчини сотиш масаласини кўриб чиқишлари мумкин.
Ушбу мавсумда Мануэль Локателли "Ювентус" сафида 36 та учрашув ўтказди. Уларда ярим ҳимоячи учта гол урди ва битта голли узатмани амалга оширди.
