"Арсенал", "Ливерпуль", "Манчестер Сити", "Ньюкасл Юнайтед", "Брайтон" ва "Брентфорд" клублари 22 ёшли германиялик ҳимоячи Ннамди Коллинз билан шартнома имзолаш имкониятларини кўриб чиқишмоқда. Бу ҳақда TEAMtalk нашри хабар бермоқда.
Қайд этилишича, "Арсенал" футболчининг ўйинидан айниқса ҳайратда ва уни услуб жиҳатидан Бен Уайтга ўхшатмоқда. Ҳозирда Коллинз "Айнтрахт Франкфурт" шарафини ҳимоя қилмоқда. Немис клуби ҳозирча музокараларга киришмаяпти ва ҳимоячининг амалдаги шартномаси 2030 йил ёзигача мўлжалланганини таъкидламоқда.
Ннамди Коллинз 2023 йилда Дортмунднинг "Боруссия" клубидан ўтганидан бери "Айнтрахт"да ўйнаб келмоқда. Ушбу мавсумда у клуб сафида 26 та ўйинда майдонга тушиб, 1 та гол урди ва 1 та голли узатмани амалга оширди.
