"Бенфика" бош мураббийи Жозе Моуриньо бир пайтлар ўзи қаҳрамон бўлган "Сантьяго Бернабеу" стадионида илиқ кутиб олинмади.
Португалиялик мутахассис дисквалификация сабабли учрашувда бевосита иштирок эта олмади — у жамоасининг Мадриднинг "Реал" клубидан учраган мағлубиятини автобусда кузатиб борди. "Diario AS" нашрининг хабарига кўра, "Реал"да "Special One"ни анча совуқ қарши олишган. Испания гранди вакиллари мураббийнинг Лиссабондаги биринчи ўйиндан сўнг Винисиус Жуниор ҳақида айтган гапларига салбий муносабат билдиришган. Мутахассис "қаймоқранглилар" мухлислари томонидан ҳеч қандай эҳтиромга лойиқ кўрилмади, Флорентино Перес ва Альваро Арбелоа эса у билан қисқа суҳбат учун ҳам учрашишмади.
Эслатиб ўтамиз, Жозе Моуриньо "Бенфика" билан биринчи ўйинда Винисиус урган голини нишонлашини танқид қилган эди. Баъзилар бу сўзларни бразилиялик футболчи шаънига айтилган ирқчилик ҳақоратларини оқлаш сифатида қабул қилишган.
"Реал" икки ўйин натижасига кўра "Бенфика"ни 3:1 ҳисобида мағлуб этиб, Чемпионлар лигасининг 1/8 финалига йўл олди.
