Британиялик оғир вазнли боксчи, собиқ жаҳон чемпиони Даниэль Дюбуа украиналик чемпион Александр Усикдан учралган мағлубият унга қандай таъсир қилгани ҳақида гапириб берди. Боксчининг сўзларидан "talkSPORT Boxing" иқтибос келтирмоқда:
– Усикдан учралган мағлубиятни қандай қабул қиласиз? Жангчи сифатида бунга ёпишиб қолмасликка қандай эришасиз? – Мен бу ҳақда бош қотирмайман. Бу энди ўтмишда қолди. Мен бу вазиятга ҳатто ундай назар билан қарамайман ҳам. Бу ўтмиш. Энди мен Уордли билан жанг қилишга тайёргарлик кўряпман.
Эслатиб ўтамиз, Усик ва Дюбуа ўртасидаги иккинчи жанг 2025 йилнинг июль ойида бўлиб ўтган эди. Ўшанда украиналик спортчи рақибини 5-раундда нокаутга учратиб, ғалаба қозонган эди.
