"Астон Вилла" бош мураббийи Унаи Эмери Англия чемпионатининг 28-тури доирасида "Вулверхэмптон"дан қабул қилинган мағлубиятга (0:2) изоҳ берди.
"Барча футболчиларни биз ўтказаётган фантастик мавсум билан табриклайман. Биз чарчаган эдик ва очиқ ўйин кўрсатдик. Биринчи тайм ажойиб ўтди — "Aстон Вилла" устунлик қилди. Вазиятлар яратдик ва кўпроғига лойиқ эдик. Иккинчи бўлимда эса рақиблар тўпни тез-тез олиб қўйишди ва жарима майдонимизга кириб боришди. "Вулверхэмптон" гол урганидан кейин бизга қийин бўлди, рақиб эса анча фаоллашди.
Ҳозир жипслашиш ва нима учун бу ерда турганимизни тушуниш вақти келди. Бугун биз хоҳлаган натижага эриша олмадик, лекин турнир жадвалида янада юқорироққа кўтарилиш ҳали ҳам ўз қўлимизда", — дея Эмерининг сўзларини келтиради BBC.
"Вулверхэмптон" 3 январдан бери АПЛдаги илк ғалабасини қўлга киритди ва 13 очко билан турнир жадвалида сўнгги ўринни эгаллаб турибди. "Астон Вилла" эса 51 очко билан 3-ўринда бормоқда.
